Нема тим во Ла Лига против кој Суарез играл, а не постигнал гол!

Барселона вчера убедливо го совлада Ваљадолид со 5:1 и повторно се искачи на првото место на табелата во Ла Лига со 22 бодови од 10 натпревари.

Лионел Меси постигна два гола, еден од слободен удар и тој беше негов 50-ти во кариерата на таков начон. Конечниот резултат го постави Луис Суарез во 77-тата минута.

За Суарез тоа беше 137-ми лигашки гол за Барселона, но прв против Ваљадолид. Тоа беше последниот тим против кој Суарез играл, а не постигнал гол во Ла Лига откако во 2014 година пристигна во Барселона од Ливерпул.

Уругваецот досега бил стрелец против сите 27 клубови со кој се сретнал во шпанското првенство.