На „Ноу Камп“ вчера го видовме најбизарниот црвен картон во време на коронавирусот

Барселона без поголеми проблеми со 2:0 го победи Леганес и после 29 кола ќе остане на лидерската позиција во Ла Лига.

Во судиското продолжение на „Ноу Камп“ го видовме најбизарното исклучување во периодот на коронавирусот. Кога натпреварот практично беше завршен исклучен беше тренерот на гостите.

Имено, во последните секунди од натпреварот Хавиер Агиере имитираше звук на свирче па судијата Мартинез Мунера му покажа црвен картон.

„Го имитираше звукот на свирчето со цел да ги збуни играчите, а претходно беше предупреден“, напиша Мартинез во судискиот извештај.

Инаку, во Леганес се незадоволни од судењето со оглед на тоа дека Барселона доби дискутабилен пенал кој го реши прашањето на победникот.