На Лилард не му беа доволни и 47 поени против Дончиќ, трипл-дабл за Леброн (ВИДЕО)

Изминатата вечер во НБА лигата беа одиграни три натпревари.

Далас го совлада Портланд со 133:125, а уште една одлична вечер имаше Лука Дончиќ.

Словенецот одигра натпревар во кој постигна 27 поени и додаде шест скока и девет асистенции. На другата страна Демијан Лилард уфрли дури 47 поени, покрај тоа имаше шест скока и осум додавања. Кармело Ентони натпреварот го заврши со 16 поени и 11 скокови.

Лејкерси беа подобри од Бруклин Нетс со 128:113, Леброн Џејмс запиша нов трипл-дабл 27 поени, 12 скокови и десет асистенции.

До дабл-дабл стигнаа Ентони Дејвис (16 поени и 11 скокови) и Двајт Хауард (14 поени и 12 скокови).

Во последниот натпревар Вашингтон го довлада Кливленд со 124:112 со 36 поени на Бредли Бил. Кај Кавси, Колин Секстон имаше 29 поени.