Најдобрите 11 кои се без клуб: Зошто се уште се без ангажман?

Помеѓу останатите без клуб се репрезентативци на Германија, Бразил, како и светски вицашемпион…

Летниот трансфер пазар полека влегува во последниот месец, Мундијалот е завршен, па клубовите сега се обидуваат да се засилат најдобро што можат, а нема сомневање дека како ќе се наближува крајот на трансфер пазарот така ситуацијата ќе биде поинтересна.

На трансфер пазарот во овој момент има одлични фудбалери кои можат да бидат доведени без ниту цент оштета.

Од слободните играчи веројатно најмногу се истекнува германскиот репрезентативец Макс Мајер, суперталентираниот плејмејкер кој го напушти Шалке по истекот на договорот.

За него интерес покажуваат голем број клубови, но наводно неговите барања се преголем ниту еден клуб засега не е спремен да му излезе во пресрет. Доколку сака за брзо време да пронајде нов клуб и да ги започне припремите ќе мора да ги намали апетите, во спротивно би можел да „потоне“.

Втор на листата, барем по вредноста на „трансфермаркт“ е поранешниот офанзивец на Шахтјор Бернард.

Без сомневање станува збор за одличен фудбалер, тој е и повремен репрезентативец на Бразил, ова лето одлучи да го напушти Шахјтор и да ја промени средината.

Остана слободен, го мачи повредата на рамото, па веројатно тоа е единствената причина поради која се уште е без клуб.

Зад нив според вредноста се наоѓа вицешампион на светот!

Да, добро прочитавте, репрезентативецот на Хрватска, Милан Бадељ се уште нема ангажман.

Во прашање е докажан последен играч за врска со големо искуство, долги години го носеше дресот на Фиорентина, а сега одлучи да се посвети на нови предизвици.

Од останатите слободни играчи треба да се издвојат Уругваецот, Абел Ернандез, поранешниот фудбалер на Арсенал и Сити, Самир Насри, репрезентативецот на Мекско, Диего Рејес, како и проблематичниот Хатем Бен Арфа.

Не треба да се заборави ниту 35 годишниот Јаја Туре кој после осум години го напушти Манчестер Сити.

Во продолжение погледнете го идеалниот тим составен од играчи кои се без клуб.