Наинголан ироничен: Неверојатно што измислувате!

Новата ѕвезда на Интер, Раџа Наинголан даде коментар на написите на медиумите дека заработил нова повреда на мечот со Болоња.

Белгиецот викендов го одигра првиот меч за „нероаѕурите“ откако еден месец паузираше поради повреда. Наинголан дебитираше со гол и веднаш покажа дека ќе игра важна улога во тимот на Спалети.

Меѓутоа, во 78-та минута Наинголан го напушти теренот откако самиот побара измена, а медиумите веднаш почнаа да пишуваат дека повторно се повредил.

Меѓутоа фудбалерот веднаш во негов стил преку Твитер одговори на ваквите шпекуалции.

„Проблеми со бутниот мусул? Загрижувачки? Неверојатно што се измислува“, напиша Наинголан.

Problemi alla coscia? E preoccupante ? Mah incredibile cosa s’inventano…

— Radja Nainggolan (@OfficialRadja) September 2, 2018