Навивачите ќе може да купуваат пиво во Катар, но под одредени правила

Катар ќе им дозволи на навивачите со билети да купат пиво на фудбалските натпревари на Светското првенство, но само три часа пред почетокот и еден час по последниот судиски свиреж, а не и за време на натпреварот.

Бадвајзер, главниот спонзор на Светското првенство со ексклузивни права за продажба на пиво на турнирот, ќе служи пиво во навивачките зони околу секој стадион, но не и на трибините на стадионот или на теренот.

„Пиво ќе се конзумира до отворање на вратите, а тоа е три часа пред почетокот на натпреварите. А потоа ќе може да се конузмира дури еден час по последниот судиски свиреж“, откриваат организаторите.

Светското првенство во Катар ќе започне на 20 ноември и ќе трае до 18 декември. Во групната фаза на турнирот се закажани по четири натпревари секој ден, а најраниот натпревар започнува во 13 часот.