Мурињо упати жестока порака до Челзи после трансферот на Мората!

Тренерот на Манчестер Јунајтед, Жозе Мурињо се огласи после трансферот на Алваро Мората во Челзи.

Клубот од Лондон вчера го потврди трансферот на Мората од Реал Мадрид за 85 милиони евра.

Мурињо смета дека неговиот тим го има еден од најдобрите напаѓачи и не сакаше многу да го коментира трансферот на Шпанецот на „Стенфорд Бриџ“.

„Навистина не ме интересира што прави Челзи. Ние донесовме фантастичен напаѓач и неговото доаѓање е многу важно за нас. Мислам дека го имаме еден од најдобрите напаѓачи во Европа. Мислам дека беше очигледно дека Челзи ќе донесе напаѓач после ситуацијата со Диего Коста“, изјави Мурињо.