Дома Македонски спорт Мак фудбал Музафер Ејупи поради проблеми со бубрезите објави крај на кариерата

Музафер Ејупи поради проблеми со бубрезите објави крај на кариерата

Поранешниот репрезентативец на Македонија, Музафер Ејупи денес објави крај на кариерата иако има 31 година.

Ејупи кој го носи дресот на хрватски, Славен Белупо преку официјалната страна на клубот објави дека поради здравствени проблеми е принуден да се збогува со фудбалот.

„Изморен сум и физички и психички. Минував и се уште минувам низ здравствени проблеми кои оставија трага на мене. Се е под контрола и за тоа сум благодарен на Бог, но на тренинзите и натпреварите не е како порано, не можам да го дадам максимумот. Шест месеци сум тука и едноставно не оди. Здравјето го ценам најмногу и затоа морам да му кажам збогум на фудбалот“.

„Здравствените проблеми дојдоа кога бев на врвот на својата кариера и кога играв на високо ниво. Одлично се чуствував во Осијек и чуствував дека сум блиску до голем трансфер, а тогаш започнаа проблемите со бубрезите и ништо не беше исто. Се вратив, но почуствував дека не можам да играм со ист интезитет“, изјави Ејупи.

Ејупи е производ на фудбалската школа на Вардар, а настапуваше уште за Металург, Шкендија и Турново кај нас, додека надвор од нашите граници го носеше дресот Карталспор во Турција, додека во Хрватска беше дел Осијек и сегашниот негов клуб Славен Белупо.

За сениорската репрезентација на Македонија настапи на два натпревари.

Коментари
Прочитајте поврзани статии
Load More In Мак фудбал

Проверете

Вардар сезонава ќе води тешка битка, Борец со три бода си замина од Скопје

Борец за првпат во својата историја го победи Вардар среде Скопје. Никола Радовиќ го отвор…