Монтела потврди: Нианг заминува!

Тренерот на „росонерите“ Винченцо Монтела потврди дека крилниот напаѓач Мбаје Нианг најверојатно ќе ја промени средината во јануарскиот преоден рок.

Нианг одлично ја започна сезона во Милан, но потоа падна неговата форма и Монтела го седна на клупата за резерви.

Во последните два месеци младиот Французин е резерва кај „росонерите“, а со доаѓањето на Делуфеу додатно ќе се намали неговата минутажа, па поради тоа самиот побарал да ја промени средината.

Милан разгледува опции да го испрати на 6 месечна позајмица во некој италијански клуб, но за Нианг пристигнаа неколку понуди од Премиер лигата.

Имено, Вест Хем, Кристал Палас и Ватфорд се спремни да платат 18 милиони евра за неговиот потпис, па сега останува да видиме кој клуб ќе победи во трката за неговиот потпис.