Модриќ откри: Роналдо ми честиташе за наградата

„Имам добар однос со Кристијано. Откако ја освоив нагрдата за најдобар играч на Европа, ми испрати порака во која ми честита. Напиша дека е среќен што сум награден и се надева дека наскоро ќе се видиме.“ – изјави Лука.

Роналдо исто така ќе му биде конкурент за Златната топка и трофејот на ФИФА за најдобар фудбалер на светот, а на прашањето дали ќе ја освои и оваа награда, Модриќ одговори:

„Мило ми е што сум во изборот. И двете награди се важни, но колективните награди се многу поважни од индивидуалните.“

Претходните десет години во изборот за најдобар светски фудбалер доминираа Лионел Меси и Кристијано Роналдо со по пет награди. Меси сега го нема, а после долго време Кристијано не е фаворит.