Милан се жали на УЕФА, судијата Чакир ќе биде суспендиран

Дербито помеѓу Милан и Атлетико Мадрид во Лигата на шампиони го одбележа судијата Чакир со своите контроверзни одлуки.

Милан остана без бодови во тој дуел откако во 95-та Чакир досуди непостоечки пенал за Атлетико, а претходно уште во 29-та минута престрого го исклучи Франк Кеси.

Милан водеше со 1-0 и беше одличен на теренот до црвениот картон на Кеси, кој директно влијаеше врз конечниот резултат.

Клубот ќе испрати жалба до УЕФА за судењето, а доколку го добие случајот, тогаш Турчинот ќе биде суспендиран на одредено време.