Милан донесе одлука за иднината на Манџукиќ

Раководството на Милан донело одлука да не го продолжи договорот со Марио Манџукиќ, пренесува „Скај Италија“.

Манџукиќ пристигна во јануари во Милан и требаше да биде големо засилување за тимот на Стефано Пиоли, но Хрватот до сега одигра само 158 минути.

Манџукиќ поради повреда долго време е надвор од терените, е пред извесно време медиумите во Италија пишуваа дека последните 10 меча ќе бидат одлучувалки за неговата иднина.

Милан има опција да го продолжи договорот на Манџукиќ на уште една сезона, но веќе донел одлука да се ослободи од Хрватот.

„Росонерите“ сакаат следната сезона да донесат млад напаѓач, кој ќе биде алтернатива за Ибрахимовиќ.