Милан го договори првото зимско засилување

Милан во последните денови на преодниот рок не успеа да го комплетира трансферот Роман Фавре од Брест.

„Росонерите“ имаа договор со 23-годишниот офанзивен фудбалер, но не успеаа да се договорат со Брест за висината на обештетувањето.

Фавре важи за еден од најперспективните француски фудбалери и Милан ќе се обиде да го донесе во јануари, а „Калчомеркато“ пренесува дека Малдини веќе има договор со неговиот агент.

Фавре е на мета уште на Баерн Минхен и Манчестер Јунајтед, но тој сака да се пресели на „Сан Сиро“ каде очекува дека ќе има поголема минутажа.