Миколенко до капитенот на Русија: Молчиш ку*во, никој нема да ви прости📷

Украинскиот репрезентативец и член на Евертон, Виталиј Миколенко го нападна капитенот на руската фудбалска репрезентација, Артум Џуба.

Војната во Украина директно се одрази и на спортот, па ФИФА ја исклучи Русија од баражот за Светско првенство.

Многу украински спортисти ја критикуваат Русија, а Миколенко отиде чекор подалеку и преку Инстаграм му се обрати на Џуба.

„Додека и понатаму молчиш ку*во заедно со посраните соиграчи невини цивили се убиваат во Украина. Ќе бидеж заклучен во некоја дупка до крајот на животот и до крајот на животот на твоите деца. Никој никогаш нема да ви прости“, напиша 22-годишниот дефанзивец.