Меси, Чави и Анри откриваат како ја создале лажната деветка и го уништиле Реал

Интересни факти откриваат ѕвездите на Барселона предводена од Гвардиола во новиот документарец „Земи ја топката и додај ја“.

Меси, Чави и Анри откриваат како стигнале до убедливата победа против Реал Мадрид од 2:6 на 2 мај 2009 година.

„Победата од 2:6 против Реал Мадрид беше нешто посебно бидејќи тој натпревар влезе во историјатан а фудбалот, посебно фудбалската тактика“, изјави Чави.

„Тоа беше почеток на ерата на лажна деветка“, додава Анри.

Меси пак открива како дознал за својата улога во револуцијата.

„Пеп ме повика еден ден пред натпреварот да разговараме и ми ја откри неговата замисла. Само што дојде ми кажа дека за овој натпревар ќе ги замени позиции. Состанокот породолжи така што со него и Тито Виланова гледавме натпревари кои ги проучувавме“, откри Меси.

„Гвардиола го промени составот и кажа Анри да игра помеѓу стоперот на Реал и бекот, а Ето да влегува во ослободениот простор. Тоа го направи откако го гледаше движењето на стоперите на Реал, Канаваро и Мецелдер и сфати дека против нив не му е потребна класична деветка. Место тоа тој одлучи да создаде предност од играч повеќе при влегувањата на Меси низ средината“, зборуваше Чави.

Меси се потсетува…

„Така целосно го изненадивме Реал. Проучувавме како играат стоперитен а Реал, тие не излегуваа од својот простор. Така Ето, Анри и јас влегувавме во слободните простори. Токму поради тие слободни коридори, Анри го постигна првиот гол“.

Стрелецот додава…

„Тој погодок го постигнавме токму на начинот на кој тренерот сакаше. Моето слободно движење и довањето на Меси дојдоа како последица на таквата тактика. Ето изведе тактички маневар со заминувањето на другата страна, јас влегов во празен простор и постигнавме гол“.

Три дена после овој натпревар Барселона во финалето од Лигата на шампионите го победи Манчестер Јунајтед со 2:0.