Меси додека ја чека Барса дневно губи по 100.000 евра

Лионел Меси секој ден, од 1 јули, губи по 100.000 евра или подобро кажано не ја заработува таа сума на пари бидејќи му заврши договорот со Барселона.

Француски „Л’Екип“ објави дека Аргентинецот од првиот ден во месецот до сега изгубил неверојатни милион евра.

Се поставува прашањето кога Меси ќе потпише нов договор со шпанскиот гигант и дали ќе го направи тоа затоа што Барселона има финансиски проблеми и мора да се ослободи од многу фудбалери за да го задржи Аргентинецот.

Сепак, ПСЖ ја следи будно ситуацијата и не се откажува од идејата да потпише со Меси, а како што објави „АС“, „светците“ наскоро ќе тргнат по потписот на Аргентинецот доколку тој не потпише договор со Барселона.