Мегваер исфрлен од репрезентацијата на Англија

Oткако грчкиот суд го осуди Мегваер на 21 месец и 10 дена затвор кои сепак нема да ги одлежи, Хари Мегваер е исфрлен од репрезентацијата на Англија.

Мегваер како што познато пред неколку дена учествуваше во инцидент на грчкиот остров Миконос. Селекторот на Англија Герет Саутгејт прво му даде место на Мегваер на списокот за натпреварите со Исланд и Данска, но по конечната пресуда го смени мислењето.

„После донесената пресуда морам да потврдам дека Хари Мегваер ќе биде изоставен од репрезентацијата за натпреварите со Исланд и Данска. Ги разгледав сите аргументи и факти и донесов одлука која сметам дека е најдобра за интересите на националниот тим“, изјави Саутгејт.