Марка: Барселона потпишува мега-договор. Тоа ќе и донесе најмалку 1,3 милијарди евра

БАРСЕЛОНА наскоро би требало да потпише договор со Најк вреден повеќе од една милијарда евра, објави мадридска Марка.

Шпанските медиуми пренесуваат дека Барселона и Најк преговараат за мега-договор според кој Барселона би добивала 120 милиони евра по сезона плус бонуси во следните десет години.

Дополнително, Барселона бара и бонус од 100 милиони евра само за потпишување на договорот. Каталонскиот гигант на тој начин би заработил најмалку 1,3 милијарди евра од овој договор во следните десет години, а се шпекулира дека вкупните бонуси би можеле да ја зголемат конечната сума на 1,5 милијарди евра.

Според Mарка, откако испадна од ПСЖ во Лигата на шампионите, Барселона веќе нема цели за оваа сезона, па полека се сврте кон планирање за иднината. Овој спонзорски договор е еден од чекорите кои тие решиле да ги преземат, а Maрка наведува и дека челниците на Барселона ќе се обидат да заработат околу 150 милиони евра од продажба на играчи.