Манчестер Јунајтед спрема „возбудливи“ засилувања

Одлични вести за навивачите на Манчестер Јунајтед.

Вчера во Манчестер Јунајтед завршија голема работа, ангажиран беше досегашниот дефанзивец на Кристал Палас, Ерон Ван Бисака, кој е второ засилвуање ова лето за англискиот гигант. Претходно беше ангажиран Даниел Џејмс од Свонси, а се е поизвесно е дека и Маркус Рашфорд ќе потпише нов договор. Но, тоа не е се.

Летото само што започна, ќе има уште многу возбудувања, а извршниот директор на Јунајтед, Ед Вудвард во тој стил најавува и следни засилувања, кои, како што кажа ќе бидат возбудливи.

„Без оглед на секојдневните шпекулации кои многу луѓе ги доведуваат во заблуда нашиот тим во соработка со Солскјер работи мирно, зад сцената, за да ангажираме нови, возбудливи играчи, во склад со долгорочната визија на нашиот клуб“, изјави Вудворд.

Истовремено, се очекува и заминување на некои играчи, а овие денови најмногу се пишуваше за желбата на Интер да го ангажира Лукаку.