Ладен туш за Барселона: Манчестер Сити ја соопшти цената за Кансело

Жоао Кансело последната полусезона ја мина на позајмица во Баерн Минхен, а Манчестер Сити сака да се ослободи од него.

Сепак, цената што ја одреди беше отфрлена од најзаинтересираниот клуб.

По позајмицата во Баерн, каде Жоао Кансело ја мина изминатата полусезона, тој се врати во Манчестер Сити, но овој клуб не смета на него.

Пеп Гвардиола не го гледа сериозно во своите планови и слободно може да си најде нов клуб.

Иако првично тимот од „Етихад“ беше подготвен да го пушти Португалецот на позајмица, сега тоа не е така и сакаат да го продадат.

Според шпански „Спорт“, дефанзивецот е ставен на трансфер-листата, а одредената цена за него е 50 милиони евра.

Барселона беше заинтересирана да го донесе на позајмица со право на откуп следното лето, но тоа нема да се случи.

Кога каталонскиот клуб дозна за одредената цена, автоматски се откажа од Кансело и тој нема да премине во редовите на овој шпански гигант.

Каталонците имаат деликатна финансиска ситуација и мора да продаваат играчи за околу 60 милиони евра за да можат да се пријават во Ла Лига.

На спротивната страна е Арсенал, тим кој беше заинтересиран за трансферот на Кансело и би можел да упати понуда за него во блиска иднина, пренесува гореспоменатиот медиум.

Останува да видиме каде на крајот ќе заврши Жоао Кансело, но едно е јасно – за него приказната во Манчестер Сити е речиси сигурно завршена.