Манчестер Сити – Тотенхем: „Петлите“ се распеани, а „граѓаните“ нервозни

Манчестер Сити е домаќин на Тотенхем во реванш дуелот од ¼ финалето на Лигата на Шампиони. Спарси славеа со 1:0 во Лондон, но тоа не мора да значи ништо. Сити на домашен терен е неверојатен и ако некој може да се врати од таа негатива, тоа е тимот на Гвардиола.

Сити сака два трофеи сезонава

Манчестер Сити се врати на победнички начин со доминантна победа од 1:3 против Кристал Палас во неделата. Рахем Стерлинг постигна два гола во Селхурст Парк. Со тоа ги инспирираше граѓаните да дојдат до деветтата победа по ред во Премиер лигата. Потоа беше заменет со Габриел Хесус. Кевин Де Брујн, кој се врати на теренот исто така блескаше во секоја смисла на зборот.

Сити постигна брз гол и си ја олесни работата. Освен тоа фудбалерите на Сити имаа сили за завршен притисок во последната треина кја резултираше со уште еден гол. Гвардиола направи четири промени во својот почетен состав. Бенџамин Менди  го имаше својот прв старт од ноември, а Бернардо Силва кој влезе во игра од клупата исто така е свеж.

Фернандињо не патуваше со тимот и неговиот настап е сомнителен за овој меч и покрај тоа што од клубот сугерираат дека тој има само краткотрајна повреда. Де Брујн и Сане по дуелот со Кристал Палас се надеваат дека ќе ги задржат своите места во првиот тим.

Тотенхем одморен патува во Манчестер

Сити напрви само четири промени во првиот тим, но Покетино го ротираше речиси целиот тим на дуелот со Хадерсфилд во саботата. Лукас Моура играше како напаѓач и постигна хет-трик. По таа победа Спарс се пресели на третото место во Премиер лигата на импресивен начин. Тој начин исто така допринесува за уште поголема верба во сопствените квалитети пред овој дуел во Лигата на Шампиони.

Со едно око цврсто насочено кон овој реванш против Сити, Маурисио Покетино направи седум промени во својот почеток состав. Моура, Фернандо Љоренте и Кристијан Ериксен формираа нов триаголник и тројцата беа многу влијателни на дуелот.

Водечкиот стрелец Хари Кејн потврдено е дека ќе отсуствува и на овој меч. Но Деле Али се очекува да се врати во игра и покрај тоа што се здоби со повреда на првиот натпревар со Сити. Хари Винкс се надева дека повторно ќе стартува, а Сон е свеж и од него се очекува многу.

И покрај поразот Сити е фаворит, но …

Манчестер Сити загуби само еднаш во последните осум средби со Тотенхем на “Етихад” во сите натпреварувања (шест победи, едно реми и еден пораз). Граѓаните, исто така уживаа во поголемиот дел од последните средби воопшто. Тие победија на 11 од нивните последни 17 дуели со Спарс (четири нерешени и пет порази). Па поради тоа се големи фаворити и кај букмејкерите. Фудбалерите на Пеп Гвардиола имаат 16 триумфи од 17 домашни натпревари во Премиер Лигата оваа сезона, со 13 победи со два или повеќе голови разлика.