Мануел Ноер ќе сруши негативен рекорд во Бундеслигата

Maнуел Ноер без дилеми е еден од најдобрите голмани во светот во изминатите 10-тина години.

Одличниот чувар на мрежата на минхенски Баерн често правеше чуда на голот и ги спасуваше баварците. Меѓутоа оваа сезона во Бундеслигата Ноер прими повеќе голови отколку вообичаено и очигледно е дека Баерн има проблеми во дефанзивата.

Ноер од доаѓањето во Баерн во 2011 година од Шалке никогаш не примил повеќе од 32 голови во една сезона во Бундеслигата. Тој број на голови сега е изедначен после 23 натпревари оваа сезона.

Затоа извесно е дека до крајот на сезоната Ноер ќе го сруши негативниот рекорд по бројот на примени голови во дресот на Баерн, а можеби и во кариерата.

Најмногу голови Ноер во кариерата прими во сезоната 2010/2011 во дресот на Шалке кога првенството го заврши со 44 примени голови.