Лучијано Моџи е убеден дека ќе видиме две големи тренерски промени

Поранешниот контроверзен директор на Јувентус, Лучијано Моџи е сигурен дека неговиот клуб идното лето ќе добие нов тренер.

Според информациите на Моџи кој често пати знае да дава прогнози за големи промени нов тренер на клубот од Торино ќе биде Зинедин Зидан кој со Реал Мадрид три пати ја освојуваше Лигата на шампионите.

Освен тоа Моџи смета дека Алегри ќе премине во Реал Мадрид.

Moggi: "Allegri will go to Real Madrid next season, Zidane will join Juventus. " pic.twitter.com/WydyvBkNtM

— Juvefc.com (@juvefcdotcom) December 19, 2018

Самиот Алегри потврди дека го одбил Реал Мадрид после заминувањето на Зидан, но Моџи смета дека за шест месеци ситуацијата ќе биде поинаква.

Зидан пак се поврзуваше со Јувентус откако го напушти Мадрид, но најмногу со директорска функција во таборот на „старата дама“.

Ќе потсетиме Зидан значи многу во кариерата на Јувентус и таму го обожаваат бидејќи од 1996 година до 2001 беше еден од најдобрите играчи на актуелниот шампион на Италија.