Ливерпул без милост, Реал го доби дербито со Интер ?

Реал Мадрид и Интер одиграа возбудлив натпревар и на крајот „кралевите“ излегоа како победници. Ливерпул ја „прегази“ Аталанта, сигурни победи на Ајакс и Баерн Минхен.

Реал подобро го отвори натпреварот и дојде во предност во 25-та минута после големата грешка на Хакими кој му асистираше на Бензема.

Неколку минути подоцна Серхио Рамос после еден корнер зголеми на 2:0, а Интер брзо се врати со голот на Лаутаро после прекрасната асистенција на Барела.

Во вториот дел Интер тргна поагресивно, почна да создава шанса и стигна до израмнување преку Перишиќ во 68-та минута. Потоа имаше и две убави шанси да направи комплетен пресврт, но Лаутаро и Перишиќ беа непрецизни.

Казната стигна во 80-та минута кога Родриго погоди за 3:2 и му донесе значајна победа на Реал Мадрид.

Ливерпул со високи 5:0 славеше на гостувањето кај Аталанта, а новото засилување Диого Жота постигна хет-трик.

Порто и Манчестер Сити запишаа идентинчни победи од 3:0 над Марсеј односно Олимпијакос, а Баерн Минхен беше ефикасен на гостувањето кај Салцбург и победи со 6:2.