Левандовски го коментираше доаѓањето на Нагелсман

Ѕвездата на Баерн Минхен, Роберт Левандовски имаше само убави зборови за Јулијан Нагелсман, кој на лето ќе седне на кормилото на Баварците.

„Не го познавам Нагелсман добро, но можам да кажам дека неговите тимови секогаш играат добро, над очекувањата. Неговите тимови играат над индивидуалните квалитети на играчите“, изјави Левандовски.

„Со Ханзи испишавме историја. Со сигурност тоа беше мојот најдобар период во Баерн. Тој е одличен тренер и многу добар човек со кого можеш да зборуваш за приватни работи. Оценка за оваа сезона ќе дадеме дури кога ќе заврши“, додаде напаѓачот.