Лампард: Не читам што се пишува, не сум глупав

Meнаџерот на Челзи Френк Лампард изјави дека не посветува внимание на пишувањата на медиумите за негов можен отказ.

„Сините“ беа поразени на пет од последните осум натпревари во Премиер лигата и поради тоа се почесто се зборува за отказ на Лампард.

„Не читам што се пишува и не ме интересира. Не сум глупав, знам колкав е притисокот да водите клуб каков што е Челзи. Јас само ја работам својата работа, давам се од себе и ќе продолжам така. Секако дека сите се посреќни кога се победува. Јас бев среќен во ноември и октомври, сите клубови во еден период имаат проблеми“, изјави Лампард.

Следниот натпревар Челзи го игра против Лутон во четвртото коло од ФА Купот. Мечот на „Стенфорд Бриџ“ се игра во недела од 13:00 часот.