Купот на Италија може да се доигра на лето

Во Италија не престанува хаосот околу одложените натпревари поради коронавирусот, а натрупаниот календар претставува голем проблем.

„Газета дело Спорт“ пренесува дека тоа може да ги натера првите луѓе на Калчото да ги преместат реванш полуфиналните дуели од Купот да се играат на лето, односно во август месец.

Натпреварите помеѓу Јувентус – Милан и Наполи – Интер беа одложени, а се уште нема одредени датуми кога ќе се изиграат. Финалето е закажано за 20ти мај, но и тоа може да биде преместено.

Идејата е во август четирите клубови да одиграат плеј-оф и да биде одреден победникот во италијанскиот Куп.