Куман: ПСЖ го сака Меси? Јас ги сакам Нејмар и Мбапе

Тренерот на Барселона, Роналд Куман ја коментираше ситуацијата со Лионел Меси.

Меси повторно е во центарот на вниманието откако директорот на ПСЖ, Леонардо јавно призна дека се заинтересирани за Аргентинецот и се спремни да започнат преговори.

„Ако ме прашате дали сум заинтересиран за Нејмар и Мбапе, ќе ви кажам ДА. Не знам што ќе се случи во иднина, па не можам да зборувам за тоа. Ние се обидуваме да ги задржиме најдобрите фудбалери“, изјави Куман.

„Санкцијата на Меси за црвениот картон е за два меча. Клубот не е задоволен со одлуката и се надеваме дека казната ќе биде намалена. Лео тренира одлично, но сите сме разочарани од резултатот во Суперкупот“, изјави тренерот на Барселона.