Конте ја купува бившата ѕвезда на Јувентус

Интер е во потрага по нов напаѓач за наредната сезона, без разлика дали Лаутаро Мартинез ќе остане на „Џузепе Меаца“ или ќе замине.

Италијанските медиуми пренесуваат дека ново име во списокот на Конте е бившата ѕвезда на Јувентус и италијански репрезентативец, Моис Кин.

Кин моментално настапува за Евертон, „карамелите“ за него платија 30 милиони фунти, но младиот Италијанец не се снајде во Премиер лигата.

Кин не ги оправда очекувањата и Евертон е спремен да го продаде, а Интер веќе стапил во контакт со неговиот агент Мино Раиола.

Кин има само 20 години и Конте верува дека може да „експлодира“ во неговиот тим, а трансферот би требало да изнесува 25 милиони евра, сума која „нероаѕурите“ се спремни да ја платат.