Конте проговори за скандалот меѓу Лукаку и Брозовиќ!

Тренерот на Интер, Антонио Конте на денешната пресконференција пред утрешното дерби со Милан зборуваше и за скандалот помеѓу Лукаку и Брозовиќ.

Сите медиуми во Италија ја објавија веста дека дошло до жестока расправија во соблекувалната после мечот со Славија Прага во лигата на шампиони.

„Мислам дека премногу се зборува за Интер, како на телевизија, така во весниците. Очигледно некои клубови се подобри во тоа да не допуштаат излез на информации. Треба да пораснеме повеќе и надвор од теренот. Брозовиќ е добро момче со многу квалитети, има огромен потенцијал и го покажа тоа. Може да биде еден од најдобрите играчи за врска во светот“, истакна Конте.

„Утре ќе играме против многу добар тим и ќе се обидеме да се подготвиме најдобро што можеме. Во секој меч се обидуваме да дадеме максимум, некогаш успеваме, некогаш не. Не е лесно да се биде тренер на Интер, треба да се стремиме да пораснеме не само на теренот, туку и надвор од него. Пред нас е дол пат“, заклучи Конте.