Конте: Не знам дали Азар ќе остане!

Менаџерот на Челзи, Антонио Конте не може да гарантира дека најголемата ѕвезда на „сините“, Еден Азар ќе остане на „Стенфорд Бриџ“ и следната сезона.

Азар повторно оваа сезона е еден од најдобрите фудбалери во Премиер лигата и се погласни се шпекулациите дека на лето би можел да се пресели во Реал Мадрид.

„Мислам дека е невозможно да ја превземам одговорноста – не само за Азар, туку за било кој друг играч. Во такви ситуации клубот ја носи конечната одлука. Нашата идеја не е да го продадеме Азар туку да го засилиме тимот, но многу важна е и желбата на играчот. Јас немам кристална топка и не знам што ќе се случи во иднина“, изјави Конте.

„Се е можно во фудбалот. Мислам дека Еден е среќен со нас и дека е среќен во Лондон. Навивачите го сакат и постојат многу позитивни работи кои можат да влијаат тој да остане и да го достигне највисокото ниво со овој клуб. Не заборавајте, нашата цел е да го освоиме секое натпреварување во кое учествуваме“, додаде Италијанецот.