Конте го носи во Интер својот миленик од Челзи

Тренерот на Интер, Антонио Конте е силно заинтересиран во своите редови да го донесе играчот на Челзи и шпански репрезентативец Маркос Алонсо.

„Нероаѕурите“ уште во јануари беа заинтересирани за Шпанецот и внимателно ја следат неговата ситуација во Челзи.

Левиот бек блескаше под водство на Италијанецот во Челзи и е идеален за неговиот стил на игра 3-5-2, па поради тоа Интер ќе се обиде да му ја исполни желбата.

Оваа сезона Алонсо не е прв избор кај Лампард, па наводно „сините“ се спремни да го пуштат, но за неговата слобода бараат 30 милиони евра.

Алонсо премина во редовите на Челзи во летото 2016 година од Фиорентина, па има искуство во Серија А.

⚽️⚽️⚽️⚽️ Marcos Alonso has scored 4⃣ goals from his last 6 attempts on target in the @premierleague pic.twitter.com/v3DhX8vnm2

— Sky Sports Statto (@SkySportsStatto) February 29, 2020