Касиљас: Немa да кријам, сакам да се вратам во Шпанија

Легендарниот голман Икер Касиљас долги години со успех го бранеше голот на Реал Мадрид, денес го носи дресот на Порто.

Касиљас откако го напушти Реал Мадрид се одлучи да не стави крај на кариерата и продолжи да брани, а на крајот го избра Порто.

Шпанскиот голман помина фантастични години во Ла Лига и шпанскиот фудбал бранејќи го дресот на Реал Мадрид. Сега Икер не криеше дека Ла Лига му недостасува и дека со задоволство би се вратил во Шпанија.

Сепак, вакво нешто во овој момент е тешко остварливо затоа што неодамна стави потпис на нов договор со португалскиот тим.

„Нема да кријам и ќе кажам дека со задоволство би се вратил во Шпанија. Мојата кариера во Реал и репрезентацијата се минато и знам дека сега е тешко да се оствари такво нешто. Среќен сум што имав прилика долги години да бидам дел о таа лига која денес многу ми недостасува“, изјави Икер.
Неговиот Порто оваа година се избори за четвртфинале во Лигата на шампионите каде што ќе игра против тимот на Ливерпул.