Касано: Јас во Јувентус? Прв ден потпис, втор ден тренинг, третиот – отказ

Aнтонио Касано во текот на вчерашниот ден одлучи трет пат да објави крај на кариерата.

„Дојде моментот кога е време да се каже крај. Оваа недела сфатив дека повеќе немам желба да тренирам, а без тренинзи нема резулати. Сега ќе се насочам кон нови предизвици“, порача Антонио Касано.

Поранашениот напаѓач на Парма, Сампдорија, Интер, Милан, Рома, Реал Мадрид, неколку дена пред да го објави пензионирањето гостуваше во италијанската шоу емисија,
Ле Лене. На прашањата на новинарите како и секогаш одговораша без „влакна на јазикот“.

„Фудбалот во 1999 година беше толку многу подобар. Денес Италија е полна со неспособни играчи. Одземете ги Јувентус и Гонзало Игуаин од Милан и во Серија А обидете се да пронајдете вистински шампион. Јувентус е најсилниот италијански клуб и еден од најдобрите европски клубови. Се сомневам дека би се прилагодил во Торино, би бил избркан за три дена“.

„Првиот ден би потпишал договор, вториот би тренирал и во третиот би добил раскинување на договорот“, констатираше Касано кој и во минатото имаше слична изјава.