Кавани го шокираше ПСЖ: Сакам да се вратам во Италија!

epa05937886 Edinson Cavani of Paris Saint Germain (L) reacts during the French Ligue 1 soccer match, OGC Nice vs Paris Saint Germain, at the Allianz Riviera stadium, in Nice, France, 30 April 2017. EPA/SEBASTIEN NOGIER

Одличниот напаѓач на ПСЖ, Едисон Кавани изјави дека постои можност еден ден да се врати во Наполи.

Кавани за Наполитанците настапуваше во периодот од 2010 до 2013 година и во 127 натпревари постигна 95 гола, па направи трансфер во ПСЖ.

Иако неодамна го продолжи договорот со парискиот клуб, Уругваецот е свесен дека во фудбалот никогаш не се знае што носи иднината.

„Сега сум во ПСЖ, а што ќе се случи потоа не знам. Кога би бирал, можеби би избрал да се вратам во Наполи, а потоа и во Уругвај. Не сакам да се вратам во поранешен клуб кога веќе ќе бидам премногу стар, но враќањето во Наполи не е невозможно“, изјави 30-годишниот напаѓач.

Кавани оваа сезона на 47 натпревари во сите натпреварувања за ПСЖ постигна исто толку голови.