Килијан Мбапе е најголемото фудбалско откритие оваа сезона во Европа. Младиот напаѓач на Монако го посакуваат најголемите европски клубови, а неговата цена од ден на ден вртоглаво расте.
Името на Мбапе често се поврзува со трансфер во Реал Мадрид, Барселона, клубовите од Манчестер, но интерес за младиот Французин покажува и Јирген Клоп.
Воздухот што нè убива: Зошто Скопје е меѓу најзагадените градови?
Како што пренесе мадридска „Марка“ Ливерпул испратил официјална понуда од 75 милиони евра, меѓутоа Монако експресно ја одбил истата.
Моменталната цена на Мбапе изнесува 100 милиони евра и тоа е сумата под која клубот од „кнежевството“ нема да започне преговори.
Сепак, од раководството на Монако порачаа дека сакаат да го задржат Мбапе и дека имаат финансиска моќ да одбијат и понуди од 130 милиони евра.
Во Монако се свесни дека нема да можат да го задржат по секоја цена, па ќе му дозволат да замине доколку самиот фудбалер побара трансфер, но тоа сигурно нема да биде за сума помала од 100 милиони евра.
Учество во игри на среќа е дозволено за лица со 18+ години. Играј одговорно!