Играше Лига на шампиони, а сега точи пиво и е сопственик на најлошиот тим во Англија

Поранешниот херој на навивачите на Њукасл, Оливер Бернард по фудбалската кариера се насочи кон приватниот бизнис.

Пензионираниот француски фудбалер беше член на одличниот тим на Њукасл кој под водство на Боби Робсон играше во Лигата на шампионите. Бернард потоа играше на левата страна со друга клупска легенда, левото крило Лоран Роберто. Овој тим беше предводен од Алан Ширер на почетокот на овој век.

Денес, животот на Оливер Бернард изгледа многу поинаку. Тој е сопственик на паб каде што фановите на Њукасл често се собираат. Новинарите од британскиот таблоид „Сан“ го затекнаа како точи пиво во барот. За нив тој потсети на легендарната генерација на Њукасл.

„Имавме некое посебно, а тоа чувство повторно е во воздухот со овој тим. Слушам и разни споредби помеѓу денешниот и тогашниот тим“, изјави Бернард.

Поранешниот француски фудбалер е и сопственик на најлошиот англиски клуб. Неговиот Дарам Сити загуби 13 натпревари во 13 кола и има гол разлика 2:128. Покрај резултатите, клубот е и во големи финансиски проблеми.

Поради катастрофалните резултати и загубените натпревари со двоцифрени голови, сите се откажаа од клубот – играчи, навивачи, тренери… Четворица стратези се сменија изминатата година.

Како решение Бернард се обиде од својот клуб да направи филијала на Њукасл, но тоа не му успеа и покрај добрите врски во клубот. Наместо тоа, Дарам го загуби правото на користење на стадионот поради правни спорови.