Играше за Арсенал сега може да се врати во ПЛ?

Два клуба од Островот покажале интерес за поранешниот фудбалер на Арсенал.

Како што пренесуваат шпанските медиуми, стоперот на Валенсија Габриел Паулиста повторно го привлекува вниманието на англиските клубови.

Паулиста стигна во Арсенал од Виљареал во 2015 за 15-тина милиони евра и по две ипол години и 64 настапи се врати во Шпанија и ја засили Валенсија.

За брзо време стана јасно дека Шпанија му одговара многу повеќе, а сега одново би можел да заигра во ПЛ.

„Марка“ пренесува дека два клуба од Премиер лигата се заинтересирани за неговите услуги, сепак се потенцира дека мала е шансата тој да ја напушти Валенсија.

Среќен е на „Местаља“ и е блиску до добивање шпански пасош со кој ќе стане повеќе вреден на пазарот затоа што каде и да отиде нема да го завзема местото за играч надвор од ЕУ.