
Синоќешното дерби помеѓу Милан и Интер го одбележа големата расправија помеѓу Златан Ибрахимовиќ и Ромелу Лукаку.
Двајцата влегоа во вербална расправија, па за малку беше избегната голема физичка пресметка помеѓу корпулентните напаѓачи.
Помеѓу другото Ибрахимовиќ му дофрлил на Лукаку да оди да си ги прави своите вуду глупости. Лукаку поради тоа полудел и сакаше да се пресмета со Златан.
Поради овие зборови многумина го обвинија Ибрахимовиќ за расизам, па денес се огласи Швеѓанецот со порака и интересно видео на социјалните мрежи.
„Во светот на Златан нема место за расизам. Сите ние сме иста раса – Сите сме еднакви!! Сите ние сме ИГРАЧИ, некои подобри од другите“, порача Ибра.
In ZLATAN’s world there is no place for RACISM.
— Zlatan Ibrahimović (@Ibra_official) January 27, 2021
We are all the same race – we are all equal !!
We are all PLAYERS some better then others.https://t.co/DhguHUOFte