Ибрахимовиќ: Ќе му кажам на Малдини да спреми нов договор

Златан Ибрахимовиќ вели дека се чувствува млад на 39 години и дека е подготвен да ја преземе одговорноста во Милан.

Искусниот Швеѓанец се пошегува со директорот Малдини и му порача да спреми нов договор.

„Ние сме еден од најмладите тимови во Европа, иако јас им го кревам просекот, тие ме прават да се чувствувам млад. Тие се гладни и никогаш задоволни на меч или на тренинг. Ќе ја преземам одговорностас и притисокот, тие не мора да го чувствуваат тоа. Само нека работат, веруваат и го следат патот“, изјави Ибра.

„Кога дојдов во јануари клубот сакаше да потпишам подолг договор, но јас сакав прво да видам како ќе играм. Ако продолжам да играм вака ќе му се јавам на Малдини да спрема нов договор, инаку нема да играм“, се пошегува Швеѓанецот.