Зидан со нов коментар за Бејл: Ништо не е променето!

Герет Бејл повеќе нема иднина во Реал Мадрид, па од клубот на секој начин се обидуваат да се ослободат од него.

Велшанецот не сака да се откаже од огромната плата од 17 милиони евра по сезона, и нема да замине од клубот доколку друг тим не му ја вети истата сума.

Бејл доби шанса на натпреварот против Арсенал и веднаш постигна погодок, а се верува дека Зидан ќе му даде шанса и на средбата против Атлетико Мадрид која ќе се игра утре.

„Тој е тука со нас и тренира. Ќе тренира и следниот тренинг, а утре имаме натпревар. Тоа е тоа, тој е со нас и засега ништо не е променето“, изјави Зидан.

Агентот на Велшанецот изјави дека играчот сигурно нема да оди на позајмица и ќе замине само доколку друг клуб ги задоволи неговите финансиски барања.