Зидан: Азар е фантастичен!

Тренерот на Реал Мадрид, Зинедин Зидан јавно го пофали Еден Азар, а познато е дека ѕвездата на Челзи силно се поврзува со трансфер во неговиот клуб.

Азар во неколку наврати истакна дека би сакал да соработува со неговиот идол Зидан и дека негов сон е да го облече дресот на Реал Мадрид.

Медиумите во Англија и Шпанија се погласно шпекулираат дека Белгиецот на лето ќе се пресели на „Сантиаго Бернабеу“.

„Не можам да го кажам личното мислење за Азар, бидејќи сезоната се уште не е завршена. Ги гледам многу неговите настапи и секогаш го оценувам позитивно. Го следам уште во времето кога играше за Лил во Франција. Тој е навистина фантастичен играч и многу напредуваше последните години“, изјави Зидан.

28-годишниот Азар има договор со Челзи до јуни 2020 година, но голема е веројатноста ова лето да се пресели на „Сантиаго Бернабеу“.