За три години заработија 300 милиони, сега можат уште 120

Севиља е вистинска машина за пари, ова лето би можела да заработи огромна сума на пари.

Голем интерес за фудбалерите на Севиља постои и ова лето. Тоа го призна и новиот спортски директор на Севиља, Оскар Ариас, кој вели дека постои интерес за пет играчи.

Витоло, Н`Зонзи, Рами, Серхио Рико и Ибор се играчите кои се најбарани во моментов, а за нив, Севиља би можела да заработи околку 120 милиони евра.

За Витоло е заинтересиран Атлетико Мадрид, 40 милиони е неговата откупна клаузула, цената за Н`Зонзи е иста како и на Витоло, за Рами има понуда од 6 милиони од неколку клубови, како Кристал Палас и Марсеј, а неколку премиерлигашки клубови покажаа интерес за Ибор и Рико, па Севиља би можела да заработи повеќе од 100 милиони евра од продажба на играчи оваа година.

Интересно е тоа што претходните три години, Севиља успеа да заработи ококлу 300 милиони евра, а дополнителните 120 милиони само би ја надополниле касата на клубот од Андалузија.