ЗА ПРВ ПАТ: Солскјер испрати провокација до Мурињо!

На Оле Гунар Солскјер му оди фантастично на клупата на Манчестер Јунајтед каде што го наследи Жозе Мурињо.

Сослкјер забележа шест победи на првите шест натпревари, а последната беше најголемата – со Тотенхем на гостински терен.

Со офанзивната игра освен што Солскјер постигнува добри резултати, ги придоби и симпатиите на навивачите.

Норвежанецот од новинарите доби прашање што морал да промени во играта по пристигнувањето, а неговиот одговор може да се каже дека беше мала провокација за Мурињо кој практикуваше дефанзивен стил.

„Како прво – морате да бидете насмеани. Вие сте во Манчестер и кога сте тука тоа е ваша должност, бидејќи ако не сте таму се ќе ви недостасува. Тука нападот е традиција. Во мое време имавме напад кој не беше така брз, но без разлика на тоа напаѓавме. Нападот е дел од ДНК-та на Јунајтед, тука не смеете да играте со држење на топката и пасови кон наназад“, изјави Солскјер и со тоа алудираше на она што го правеше Мурињо.