За Маурицио Сари два клуба се фаворити за освојување на Лигата на шампионите

Според стратегот на Челзи, Маурицио Сари два клуба се најсериозни кандидати за освојување на Лигата на шампионите.

Можеби во текот на сезоната нешто ќе се промени, но за Сари во овој момент не постојат подобри тимови од Манчестер Сити и Јувентус.

„Манчестер Сити и Јувентус изгледаа многу моќно во овој момент, имаат се што треба да за бидат европски шампиони, би сакал да ги видам во финалето“, изјави тренерот на Челзи.

Секако, Јувентус и Манчестер Сити би можеле и порано да се сретнат, под услов и двата тима да ја поминат групата.

Ќе потсетиме, Гвардиола неодамна во изјава за медиумите објасни дека се сомнева во квалитетите на неговиот тим, најмногу поради тоа што Манчестер Сити нема фудбалска историја како останатите европски гиганти.