Добри вести за Зидан, Куртоа е здрав

Голманот на Реал Мадрид, Тибо Куртоа нема повреда и тренира нормално со останатите фудбалери, пренесуваат шпанските медиуми.

Куртоа ја напушти базата на белгиската репрезентација во четвртокот и се врати во Мадрид со сомнение за повреда.

Лекарските прегледи покажаа дека нема сериозна повреда и Куртоа од денес веќе почна со редовни тренинзи.

Куртоа најверојатно ќе биде во стартниот тим во сабота против Кадис, иако резервниот голман Лунин излезе од карантин.

Карвахал, Еден Азар, Маријано Дијаз, Милитао и Одриазола се повредени и на нив Зидан сигурно нема да може да смета.