Диего Коста ќе биде осуден на 6 месеци затвор

Напаѓалот на Атлетико Мадрид, Диего Коста ќе биде осуден на шест месеци затво, пренесува „Мундо Депортиво“.

Бившиот шпански репрезентативец призна дека е виновен по обвинението за прикривање на даноци и така се согласи за помала казна.

Според законите во Шпанија, тие што се осудени до 24 месеци затвор, може да избегнат влегување зад репетни ако платат финансиска санкција.

Така ќе направи и Диего Коста, по примерот на други ѕвезди од Примера кои ги имаа истите проблеми. Обвинителството против него беше дека затаил данок во 2013 година во висина од 1,1 милион евра.

Коста ќе ја плати таа сума и ќе доплати плус половина милион евра како глоба за да избегне затвор.

BREAK – Diego Costa sentenced to a 6-month jail sentence for tax crime in Spain's Hacienda trial. More follows.

— footballespana (@footballespana_) June 4, 2020