Дибиров: Очекувам машки и тежок натпревар, одиме по победа!

Екипата на Вардар во четврток ја очекува првиот од двата натпревари со ПИК Сегед.

Во четврток Вардар прво ќе гостува во Сегедин, а за седум дена ќе биде домаќин. Во Лигата на шампионите црвено-црните се во серија од три порази, па нормално дека сакаат да дојдат до позитивен резултат во Сегедин.

Тимур Дибиров очекува машки и тежок натпревар.

„Не чека тежок натпревар, но сакаме да дојдеме до победа. Знаеме дека ни недостасуваат бодови, очекувам машки натпревар, ќе биде тешко сигурно. Сигурно нема да се предадеме и одиме таму со цел да победиме“, изјави Дибиров.

Натпреварот помеѓу ПИК Сегед и Вардар се игра во четврток во 18:45 часот.

Фото: РК Вардар