Де Бур: Во Интер е хаос и играчите прават што сакаат!

Де Бур на почетокот на тренерската кариера го предводеше младинскит тим на Ајакс, а потоа доби шанса и во првиот тим каде остана цели шест сезони.

Холанѓанецот во 2016 година веруваше дека е време за чекор напред во кариерата и ја прифати понудата на Интер, но не се задржа многу на „Џузепе Меаца“.

Де Бур доби отказ во Интер после само неколку натпревари, а сега открива дека во редовите на миланскиот гигант владее „хаос“, па поради тоа не можел да се адаптира таму.

„Имав многу компликации во Италија бидејќи не го говорев италијанскиот јазик, а играчите не сакаа да ги слушаат моите идеи. Во Интер е се поинаку, имате група од неколку фудбалери кои се контролираат. Беше хаотично бидејќи прават што сакаат и воопшто неме слушаа. Полесно ми беше да работам со децата во Ајакс отколку со нив“, изјави Де Бур.