Двојни аршини од УЕФА: Трабзонспор не е Манчестер Сити, турскиот клуб исфрлен од ЛШ

Европската фудбалска федерација донесе одлука – Трабзонспор доби едногодишна суспензија за настап во ЛШ.

Трабзон сезоната во турското првенство ја заврши на втората позиција и со тоа обезбеди квалификации за ЛШ, но УЕФА го суспендираше и на негово место ќе настапува екипата на Бешикташ.

Турскиот тим доби суспензија од УЕФА поради прекршување на финансискиот фер плеј, а после жалбата во Спортскиот суд во Лозана му беше потврден „црвениот картон“.

Ова се двојни аршини од УЕФА ако се знае дека претходно и Манчестер Сити доби иста суспензија, но подоцна беше укината.